पारोळा (प्रतिनिधी) तालुक्यातील शिरसोदे येथील गावाबाहेर २०० मीटर अंतरावर असलेले खंडेराव महाराज मंदिरातूनन दान पेटीसह ८ हजार ५०० रुपयांचा ऐवज चोरी झाल्याचा प्रकार समोर आला आहे. याप्रकरणी पारोळा पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात रवींद्र कन्हैयालाल गुरव (वय ३९, रा. शिरसोदे ता. पारोळा) यांनी दिलेल्या फिर्यादीनुसार, दि. १७ एप्रिल २०२२ रोजी सकाळी ७.३० वाजेच्या सुमारास नेहमी प्रमाणे पुजारी वाल्मीक पाटील हे मंदीर उघडण्यासाठी गेले असता तेव्हा त्यांना मंदीराचे दरवाजाचे कडिकोंडा आणि कुलुप तुटलेले दिसले. तेव्हा गावातील पोलीस पाटील व लोकांना मदतीने मंदारात जाऊन प्रवेश केला असता मंदीरातील दान पेटी दिसली नाही. तसेच आहुजा कम्पनिचा एम्पी फायर, गोदरेज कपाटात ठेवलेले बेन्टेक्सचे दागीणे, असा एकूण ८ हजार ५०० रुपयांचा मुद्देमाल कोणीतरी अज्ञात चोरट्याने चोरी केला आहे. याप्रकरणी पारोळा पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास सफौ ईकबाल शेख करीत आहेत.
