भुसावळ (प्रतिनिधी) शहरातील ग्रीन पार्कमधील डायमंड पार्कच्या दाट वस्तीत बंद असलेल्या घराचा प्रवेशद्वारचा कुलूप तोडून सोने-चांदीच्या दागिन्यांसह रोकड असा लाखोंचा ऐवज लंपास झाल्याची घटना आज दुपारी ५ वाजेच्या सुमारास उघडकीस आली आहे.
घराचे मालक शेख नाजीम शेख लतीफ यांनी माहिती दिली की, पत्नी दोन मुलं आणि एक मुलगी, असे परिवार आहे. आज सोमवार रोजी सकाळी 9 वाजता शेख नाजीम हे ड्रायफूटच्या किरकोळ व्यवसाय करण्यासाठी घरातून बाहेर पडले होते. त्यांची एक मुलगी सकाळी आठ वाजेला क्लासला गेली व तिथूनच दुपारी 12 वाजेला शाळेत गेली. तर एक मुलगा दुपारी 12 वाजता शाळेत गेलेला होता. तर त्यांची पत्नी व लहान मुलगा दुपारी 1 :45 वाजता मलकापूरला गेली होते. याचाच फायदा घेऊन चोरट्याने घराच्या छतावरून जिन्याच्या द्वारे घराचा प्रवेशद्वाराचा कुलूप तोडून आत प्रवेश केला. चोरट्याने हॉल व किचन रूमला लागून असलेल्या बेडरूम मधील कपाट उघडून तिजोरी तोडून अंदाजे दहा ग्रॅम असलेला सोन्याचा हार व कानातले असलेले दहा ग्रॅमचे ऐयरिंग आणि 25 हजार रोख रक्कम चोरी केली.
विशेष म्हणजे नाजीम शेख यांची सकाळी आठ वाजेला निघालेली मुलगी ही शाळेतून पाच वाजता घरी परतली, तेव्हा घराच्या बाजूला लागून असलेल्या शेजारीकडून गेटाची चावी घेऊन घराचा गेटचा कुलूप उघडत असताना मुलीला घराच्या आतून कपाटाचे आवाज आला. त्यामुळे गेट पासूनच मुलीने शेजारच्यांना ही माहिती दिली. त्यानंतर मुलगीने गेट उघडून दरवाजा प्रवेश करण्याचा घात व चोट्याचा निघण्याचा घात एक झाला. त्यामुळे मुलीने घरातून निघणाऱ्या इसमाला विचारले की, काका तुम्ही कोण आहात?, तर त्या अज्ञात व्यक्तीने बांधकाम दुरुस्तीचा काम करत होतो,असे सांगितले आणि मुलीला त्याचवेळी धक्काबुक्की करून पळून जाण्यात यशस्वी झाला.
यानंतर मुलीने आई-वडिलांना ही बाब सांगितली असता ते लवकर घरी आले व घरातील सर्व पाहणी करून झडती घेतली. यानंतर त्यांच्या लक्षात आले की, घरातून 10 ग्रॅम सोन्याचा 1 हार, 10 ग्रॅम सोन्याचे 2 झुमके आणि 25 हजार रुपये रोख चोरीला गेल्याचे निदर्शनास आले. त्यानंतर घटनेची माहिती बाजारपेठ पोलिसांना देण्यात आली. बाजारपेठ पोलिसांनी घटनास्थळी येऊन पाहणी केली. दरम्यान, आणखी मौल्यवान ऐवज चोरीस गेल्याची शक्यता नजीम शेख यांची पत्नी मलकापूर वरून घरी परतल्यानंतर पोलिसांना माहिती दिली आहे. याबाबत तक्रार नोंदवीण्याचा काम रात्री उशिरापर्यंत सुरू होते.
