भुसावळ (प्रतिनिधी) तालुक्यातील किन्ही शिवारातील एमआयडीसीतील सनस्टेम हर्बल कंपनीतून १४ हजार रूपये किंमतीचे एअर काँप्रेसर, तांब्याचे पार्टस आणि टुल किट असा मुद्देमालाची चोरी केल्याची घटना ७ ऑगस्ट रोजी दुपारी २ वाजता उघडकीला आले आहे. याप्रकरणी भुसावळ तालुका पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
भुसावळ तालुक्यातील किन्ही शिवारातील एमआयडीसीत सनस्टेम हर्बल नावाची कंपनी आहे. ६ ऑगस्ट रोजी सायंकाळी ५ ते ७ ऑगस्ट रोजी दुपारी २ वाजेच्या दरम्यान अज्ञात चोरट्यांनी कंपनीच्या गोडावून मधून एअर काँप्रेसर, तांब्याचे पार्टस आणि टुल किट असा एकुण १४ हजार रूपये किंमतीचा मुद्देमाल चोरून नेल्याचे समोर आले आहे. कंपनीत चोरी झाल्याचे लक्षात आल्यानंतर डॉ. स्वप्नील श्रीकांत वढवेकर (वय ४०) यांनी भुसावळ तालुका पोलीस ठाण्यात धाव घेवून तक्रार दिली. त्यानुसार अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ बडगे हे करीत आहे.
