अमळनेर प्रतिनिधी ! अमळनेर तालुक्यातील म्हसले गावात राहणाऱ्या एका तरूणाच्या घरात काहीही कारण नसतांना दोन जण घरात घुसून घरातील सामानांची तोडफोड केली तसेच तरूणासह त्याच्या आईला शिवीगाळ करत मारहाण केल्याची घटना मंगळवारी २० ऑगस्ट रोजी सायंकाळी ६.३० वाजता घडली आहे. याप्रकरणी रात्री १०.३० वाजता अमळनेर पोलीस ठाण्यात दोन जणांविरोधात गुन्हा दाखल करण्यात आला आहे.
याबाबत अधिक माहिती अशी की, पंकज राजेंद्र पाटील वय २६ रा. म्हसले ता.अमळनेर हा तरूण आपल्या परिवारासह वास्तव्याला आहे. शेतीचे काम करून तो आपला उदरनिर्वाह करतो. मंगळवारी २० ऑगस्ट रोजी सायंकाळी साडेसहा वाजता पंकज हा घरी असतांना गावात राहणारे योगेश मगन पाटील आणि दिपक मगन पाटील दोघेजण घरात घसून पंकज पाटील आणि त्याची आई यांना शिवीगाळ करत मारहाण केली. तसेच घरातील टिव्ही, टेबल, फॅन यांची तोडफोड करून नुकसान केली. याप्रकरणी पंकज पाटील याने अमळनेर पोलीस ठाण्यात धाव घेवून तक्रार दिली. त्यानुसार योगेश मगन पाटील आणि दिपक मगन पाटील दोन्ही रा. म्हसले ता. अमळनेर यांच्यावर गुन्हा दाखल करण्यात आला आहे. पुढील तपास पोहेकॉ विजय भोई हे करीत आहे.
