लंडन (वृत्तसंस्था) देशात सध्या लसीकरणावरुन मोठा गोंधळ उडालेले आहे. दरम्यान, काही राज्यांचे मुख्यमंत्री व उद्योगपतींकडून लसींची मागणी करणारे धमकावणारे फोन आपल्याला येत असल्याचा खुलासा सीरम इंन्स्टिट्यूट ऑफ इंडियाचे मुख्य कार्यकारी अधिकारी अदर पूनावला यांनी केला आहे. अदर पुनावाला सध्या लंडनमध्ये आहेत. या कॉल्समुळे सध्यातरी मी भारतात परतण्याच्या विचारात नसल्याचे त्यांनी म्हंटले आहे.
काही राज्यांचे मुख्यमंत्री व उद्योगपतींकडून लसींची मागणी करणारे धमकावणारे फोन आपल्याला येत असल्याचा खुलासा करतानाच पुनावाला यांनी सध्याच्या परिस्थितीला कोणाला जबाबदार ठरवता येईल यासंदर्भात मी कोणाचं नाव घेतलं किंवा उत्तर दिलं तर माझा शिरच्छेद केला जाईल अशी भीती व्यक्त केली.
टाईम्स यूकेला दिलेल्या मुलाखतीत त्यांनी हा खळबळजनक खुलासा केला आहे. अदर पुनावाला सध्या लंडनमध्ये आहेत. या कॉल्समुळे सध्यातरी मी भारतात परण्याच्या विचारात नसल्याचे त्यांनी म्हटले आहे. लसीच्या निर्मितीचा सर्व दबाव माझ्यावर टाकला आहे, मात्र मी एकटा हे सर्व करू शकत नसल्याचे त्यांनी म्हटले आहे.
