मुंबई (वृत्तसंस्था) अश्लील फोटो व्हायरल करण्याची धमकी देत एका तेरा वर्षांच्या मुलीवर तब्बल दहा जणांनी बलात्कार (Raped on minor girl) केल्याची खळबळजनक घटना कर्जत तालुक्यात घडली आहे. पोलिसांनी सर्व संशयित आरोपींना अटक केली असून गुन्हाही दाखल केला आहे.
आधी इन्स्टाग्रामवर मैत्री
कर्जत तालुक्यातील एका गावामध्ये एक 13 वर्षांची मुलगी राहते. या मुलीचं इन्स्टाग्रामवर (Instagram) अकाऊंट होतं. तिच्यासोबत शिक्षण घेणाऱ्या शाळेतील मुलांनी मैत्री केली. इन्स्टाग्रावर मैत्री केली. त्यानंतर काही तरुणांनी पीडित मुलीला कपडे काढून दाखवायला लावले. त्यानंतर इन्स्टाग्राम अकांऊटंच्या स्क्रीनवर येणाऱ्या मुलीच्या फोटोंगं रॅकॉर्डिंग केलं. हे रेकॉर्डिंग इतरांमध्ये व्हायरल करण्यात आलं.
अश्लील फोटो व्हायरल करण्याची धमकी देत केला बलात्कार
गावातील आठ जण आणि शिरसे, जंभिवली गावातील प्रत्येक एक, असा एकूण दहा जणांना पोलिसांनी याप्रकरणी ताब्यात घेतलं आहे. अटक करण्यात आलेल्या तरुणांनी या मुलीला तुझे अश्लील फोटो व्हायरल करु अशी धमकी देत, तिचं लैगिंक शोषण केलं. लैंगिक अत्याचार झालेल्या या मुलीनं अखेर हा सगळा प्रकार पोलिसात जाऊन सांगितला. लैंगिक अत्याचारानं असह्य झालेल्या पीडित मुलीची तक्रार घेतल्यानंतर पोलिसांनीही तातडीनं पावलं उचलली. या संपूर्ण प्रकरणी पोलिसांनी पॉक्सो अंतर्गत गुन्हा दाखल केला आहे. आरोपींना कोर्टानं सात दिवसांची पोलीस कोठडी सुनावली आहे.
