यावल (प्रतिनिधी) अंकलेश्वर बऱ्हाणपूर राष्ट्रीय महामार्गावर यावल तालुक्यातील हंबर्डी गावाजवळ एका अज्ञात वाहनाने दुचाकीला जोरदार धडक दिल्याने तीन तरूण गंभीर जखमी झाले आहेत.
या संदर्भात अधिक असे की, अंकलेश्वर बऱ्हाणपूर राष्ट्रीय महामार्गावर आज हंबर्डी गावाजवळ (एम.एच १९ बी.वाय-४२१३) या क्रमांकाच्या दुचाकीला अज्ञात वाहनाने जोरदार धडक दिली. यात दुचाकीचा अक्षरश: चक्काचूर झाला असून तीन तरूण गंभीर जखमी झाले आहेत. या दुचाकीवर हर्षल मनोज घारू (वय १९, रा. यावल), वासू गैची (रा. यावल) आणि एक अन्य तरूण असे तिघे जखमी झाले आहेत. तिघांची प्रकृती गंभीर असल्याने त्यांना जळगाव येथील जिल्हा रुग्णालयात हलविण्यात आले आहे.दरम्यान, घटनास्थळी पोलीस दाखल झाले आहेत.
