पारोळा (प्रतिनिधी) अल्पवयीन मुलीची छेड काढून ‘तुझ्या चेहेऱ्यावर अॅसिड फेकेल’, अशी धमकी दिल्याप्रकरणी पारोळा पोलिसांत गुन्हा दाखल करण्यात आला आहे. संशयिताला न्यायालयाने १४ दिवसांची न्यायालयीन कोठडी सुनवली असून त्याची जळगाव येथे सबजेलला रवानगी करण्यात आली आहे.
याबाबत पीडित मुलीने फिर्याद दिली आहे की, २५ रोजी रात्री ११.३० वाजेच्या सुमारास संशयित भुऱ्या उर्फ नाजिम खान मुक्तार खान (रा. कुरेशी मोहल्ला, पारोळा) याने हातवारे करून इशारा दिला. तर पीडिता २० ऑक्टोबरला महाविद्यालयात गेली असता या संशयिताने पीडितेचा विनयभंग केला. तसेच बुधवारी रात्री ११.३० वाजेच्या सुमारास श्री बालाजी महाराजांचा रथ पीडित मुलीच्या घरासमोर गेल्यानंतर संशयित भुऱ्या उर्फ नजीब खान मुक्तार खान याने पीडित मुलीस माझ्यासोबत रिलेशन ठेवले नाही तर तुझ्या तोंडावर अॅसिड फेकून तुझा चेहरा विद्रूप करेल, असा दम दिला.
याबाबत पारोळा पोलिसांत गुन्हा दाखल करण्यात आला आहे. या घटनेचा पोलिस उपनिरीक्षक गंभीर शिंदे तपास करत आहेत. दरम्यान, संशयितास न्यायालयात हजर केले असता न्यायाधीशांनी त्यास १४ दिवसांची न्यायालयीन कोठडी दिली आहे. तर संशयिताची जळगाव येथील सबजेलमध्ये रवानगी करण्यात आली आहे.
