मेष : सशक्त आणि उत्साही वाटेल. तुम्ही असे काही काम देखील कराल ज्यामुळे तुमची सर्जनशीलता दिसून येईल. तुमच्या वैयक्तिक आयुष्यात बाहेरच्या व्यक्तींना ढवळाढवळ करू देऊ नका. संगत योग्य आहे काय ह्याचा विचार करा. प्रवास संभवतात. वरिष्ठ अधिकार्याची गाठ पडेल. संपर्कातील लोकांशी मैत्री वाढेल. खर्चात वाढ होऊ शकते.
वृषभ : दिवस छान जाईल. नवीन मार्गांनी गोष्टी करण्याचा प्रयत्न करत रहा. संपर्क वाढेल आणि फायदेही होतील. नोकरी शोधणाऱ्यांना यावेळी काही समस्यांना सामोरे जावे लागू शकते. जुने वाद संपुष्टात येतील. अंगीभूत कुशलता योग्य जागी वापरा. भौतिक सुखाच्या साधनात वाढ होईल. आपलेच मत समोरच्या व्यक्तिला पटवून द्या. दिवस आनंदात घालवाल.
मिथुन : आज तुमच्या मनाप्रमाणे यश मिळण्याची शक्यता आहे. नवीन कार किंवा वाहन घेण्याची इच्छा असेल. काही त्रुटी असू शकतात हे देखील लक्षात घ्या. व्यायामाला नव्याने सुरवात करा. उत्तम भाषाशैली वापराल. व्यवसायात एखादा प्रयोग कराल. कुटुंबातील सदस्यांशी मतभेद होण्याची शक्यता आहे. बचतीच्या योजना आखाल.
कर्क : र्थिक स्थिती पूर्वीपेक्षा चांगली राहील. तुमची इच्छा पूर्ण करण्यासाठी आज तुम्ही काहीसे स्वार्थी असाल. काही लोक तुमचा विरोध करतील आणि तुमच्या पाठीमागे तुमच्यावर टीका होऊ शकते. अति हळवे होऊ नका. भौतिक सुखात वृद्धी होईल. कौटुंबिक सुखात वाढ होईल. आध्यात्मिक आवड वाढीस लागेल.
सिंह : जवळच्या व्यक्तीला भेटणे फायदेशीर ठरेल. तुम्ही प्रत्येक परिस्थितीत आनंदी राहायला शिकाल. दिवसाच्या उत्तरार्धात कोणत्याही वाईट बातमीमुळे मन निराश होईल. मानसिकदृष्ट्या तुम्ही थोडे निराश राहू शकता. कोणत्याही भांडणात पडू नका.तुमची लोकप्रियता वाढेल. जुने छंद जोपासावेत. कौटुंबिक जबाबदारीत वाढ होईल.
कन्या : घरात पाहुणे येण्याची शक्यता आहे. वाईट गोष्टींवर ताण देऊ नका. प्रियजनांचे कडू बोलणे ऐकून मन उदास राहील. यावेळी इतरांच्या गोष्टींवर लक्ष केंद्रित करण्याऐवजी आपल्या कार्यक्षमतेवर विश्वास ठेवा. श्रमाला घाबरून चालणार नाही. उगाचच कच खाऊ नका. व्यसनांपासून दूर रहा. विरोधक नरमाईने घेतील. डोकेदुखीचा त्रास संभवतो.
तूळ : सामाजिक कार्यात तुमचा सल्ला मोलाचा ठरेल. दिवसाच्या उत्तरार्धात, ग्रहांची स्थिती थोडी बदलू शकते आणि तुम्हाला अस्वस्थ वाटू शकते. इतर लोकांमुळे तुम्ही अडचणीत येऊ शकता. अनाठायी बडबड टाळावी. झोपेची तक्रार जाणवेल. आपले वागणे लोकांना चमत्कारिक वाटेल असे वागू नका. मनातील इच्छा पूर्ण होईल. जोडीदाराचा वरचष्मा राहील.
वृश्चिक : प्रभावशाली लोकांच्या भेटीगाठी आणि विचारांची देवाणघेवाण केल्याने तुमच्या व्यक्तिमत्त्वात भर पडेल. घाईत घेतलेले निर्णय चुकीचे परिणाम देऊ शकतात. तुमची कामे हुशारीने करा. एखाद्या नातेवाईक किंवा जवळच्या मित्राबद्दल तुम्हाला वाईट वाटेल.आरोग्यासाठी हितकारक अशा गोष्टी लक्षात घ्या. प्रत्येक कामात उगाचच ढवळाढवळ करू नका.
धनू : तुम्ही एखाद्या खास व्यक्तीलाही भेटू शकता. झटपट यश मिळविण्यासाठी चुकीच्या पद्धतीचा वापर करू नका, अन्यथा तुमची प्रतिमा खराब होऊ शकते. आपला लोकसंग्रह वाढीस लागेल. जवळचा प्रवास सुखकारक होईल. अविवेकाने वागू नका. क्रोध वृत्तीत वाढ होईल. जवळच्या मित्रांची गाठ पडेल.
मकर : विद्यार्थी आणि स्पर्धा परीक्षांची तयारी करणाऱ्या तरुणांसाठी काळ अनुकूल आहे. इतर कोणालाही तुमच्या वैयक्तिक जीवनात हस्तक्षेप करू देऊ नका किंवा त्यांच्या सल्ल्याचे पालन करू नका. तुमचे आर्थिक नुकसान होऊ शकते. तुनवीन जबाबदारी स्वीकारण्याची तयारी ठेवा. इतरांना आनंदाने मदत कराल. गुंतवणुकीचे अनेक पर्याय उपलब्ध ठेवा. जुन्या गोष्टींमध्ये अडकून राहू नका. आर्थिक व्यवहारात सावधानता बाळगा.
कुंभ : जीवनात स्थिरता येईल. कुटुंबासोबत धार्मिक सहलीला जाण्याचा कार्यक्रमही होईल. तुमच्या स्वभावात गंभीरता तसेच संयम बाळगा. मनात विविध प्रकारच्या शंका येऊ शकतात.खोल विचार करण्याची तयारी ठेवा. प्रलंबित कामे मार्गी लागतील. दिवस मनाप्रमाणे घालवाल. सामाजिक गोष्टीत लक्ष घालाल. कौटुंबिक सदस्यांचे सहकार्य लाभेल.
मीन : एखाद्या गोष्टीबद्दल निराशा होऊ शकते आणि तुम्ही तुमच्या ध्येयापासून दूर जाऊ शकता. या काळात मनावर ताबा ठेवा. लोकांची काळजी करण्याऐवजी स्वतःवर लक्ष केंद्रित करा. जोडीदाराची प्रगती दिसून येईल. कौतुकासाठी काही काळ वाट पहावी लागेल. धार्मिक कामात रस घ्याल. मौसमी आजारापासून काळजी घ्या. पथ्यपाणी चुकवू नका.
