मेहुणबारे ता. चाळीसगाव (प्रतिनिधी) पूर्वीचे काढलेले फोटो व्हाट्सअप व फेसबुकवर व्हायरल करण्याची धमकी देत मित्रांच्या मदतीने एका ठिकाणी नेत पिडीतेवर बळजबरीने अतिप्रसंग केल्याप्रकरणी मेहुणबारे पोलिसात एका तरूणासह त्याला मदत करणाऱ्या तिघं मित्रांविरुद्ध गुन्हा दाखल करण्यात आला आहे. (Jalgaon Crime News)
या संदर्भात पिडीत मुलीने पोलिसात दिलेल्या फिर्यादीत म्हटले आहे की, किरण भाऊसाहेब कोलते याने पिडीतेचे पूर्वीचे काढलेले फोटो व्हाट्सअप व फेसबुकवर व्हायरल करण्याची धमकी देत त्याचा मित्र मनोज शिंदे (पूर्ण नाव-गाव माहित नाही) व आणखी दोन अनोळखी इसम यांनी पिडीतेला बळजबरीने एका सफेद रंगाचे चारचाको जिपमध्ये घालून चाकुचा धाक दाखवून पळवून नेले. त्यानंतर औरंगाबाद येथील आपल्या घरात नेत किरण कोलते याने दि.१४ व १५ जानेवारी रोजी पिडीतेवर बळजबरीने अतिप्रसंग केला. धक्कादायक म्हणजे यानंतर पिडीतेला दि.१५ रोजी रोजी औरंगाबाद येथील सिडको बस स्टॅण्डवर सोडून निघून गेला. या प्रकरणी चौघां विरुद्ध गुन्हा दाखल करण्यात आला असून पुढील तपास पोलीस उप निरीक्षक प्रकाश चव्हाण हे करीत आहेत.
