जळगाव : शहरातील सुप्रीम कॉलनी परिसरातून एका व्यापाऱ्याची दुचाकी अज्ञात चोरट्यांनी चोरून नेल्याची घटना गुरूवारी १ ऑगस्ट रोजी पहाटे ५ वाजता समोर आली आहे. याप्रकरणी सोमवार ५ ऑगस्ट रोजी दुपारी २ वाजता एमआयडीसी पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, अमजद अजीत खाटीक वय ४३ रा सुप्रीम कॉलनी, जळगाव हे आपल्या कुटुंबासह वास्तव्याला आहे. व्यापार करून तो आपला उदरनिर्वाह करतो. त्यांच्या घरासमोर त्यांनी त्यांची दुचाकी क्रमांक एमएच १९ डीके १५०१ ही लावलेली असतांना ही दुचाकी अज्ञात चोरट्यांनी चोरून नेल्याची घटना गुरूवार १ ऑगस्ट रोजी पहाटे ५ वाजता समोर आली आहे. त्यांनी दुचाकीचा सर्वत्र शोध घेतला परंतू कोणतीही माहिती मिळाली नाही. अखेर त्यांनी सोमवारी ५ ऑगस्ट रोजी दुपारी २ वाजता एमआयडीसी पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस नाईक विकास सातदिवे हे करीत आहे.
