जळगाव (प्रतिनिधी) शहरातील आर.आर. विद्यालयासमोर वाळूच्या ट्रक्टरचे चाक निखळल्याने अपघात झाला. या अपघातामुळे बराच वेळ वाहतूक विस्कळीत झाली होती. दरम्यान, वाळू वाहतूकीला परवानगी नसतांना बिनधास्त गावातून वाळू वाहतूक होत असल्याचे समोर आल्यामुळे प्रशासनावर प्रश्नचिन्ह उपस्थित केले जात आहे.
आज सकाळी ११ वाजेच्या सुमारास शहरातील आर.आर. विद्यालयात जवळून वाळूचे ट्रक्टर जात असतांना अचानक रस्त्याच्या मधोमध खड्ड्यात अचानक ट्रॉलीचे चाक गेले. यामुळे ट्रॉलीच्या उजव्या बाजूचे चाक निखळले. सुदैवाने या अपघातात कुणालाही दुखापत झालेली नाही. वाळूच्या वाहतूकीवर पुर्णपणे निर्बंध असतांना भरदिवसा अवैध वाळूची चोरीटी वाहतूक होत असल्याचे उघड झाले आहे. दरम्यान, ट्रॉली पलटी झाल्यानंतर ट्रॅक्टरचालक ट्रॉली तशीच सोडून ट्रॅक्टर घेऊन निघून गेला आहे. त्यामुळे हे वाळूचे ट्रॅक्टर कुणाचे ते समजू शकलेले नाही.