अमळनेर (प्रतिनिधी) मोबाईलच्या माध्यमातून आयपीएलच्या सामन्यांवर सट्टा खेळताना पोलिसांनी बालाजी पुरा व वड चौकातील दोघांच्या मुसक्या आवळल्या. त्यांच्याजवळील मोबाईल जप्त केला आहे.
परिविक्षाधीन डीवायएसपी केदार बारबोले यांना ५ मे रोजी गोपनीय माहिती मिळाली की, बालाजीपुरा भागात प्रसाद पांडुरंग साळी हा मोबाईलवर आयपीएल सामान्यांसाठी लोकांकडून पैसे स्वीकारून सट्टा खेळत आहे. बारबोले यांनी पो.नि. दत्तात्रय निकम, हे. कॉ. संतोष पवार, अमोल पाटील, जितेंद्र निकुंभे यांना कारवाईस पाठवले. रात्री पावणेसात वाजता पथकाने धाड टाकली असता प्रसाद साळी हा आयपीएल सामन्यावर सट्टा खेळताना आढळून आला. आकाश महेंद्र पवार (रा वडचौक) याच्या सांगण्यावरून आयपीएल सामन्यावर सट्टा खेळवत असल्याचे साळीने सांगितले. त्याच्याकडून ५ हजारांचा मोबाईल व ३१० रुपये रोख असा मुद्देमाल जप्त करण्यात आला. या प्रकरणी प्रसाद साळी आणि आकाश पवार यांच्याविरुद्ध विविध कलमान्वये गुन्हा दाखल करण्यात आला. पोलीस त्याचा आयडी आणि कोणत्या सामन्यांवर किती रुपयांचा सट्टा खेळला याचा शोध घेत आहेत.
