जळगाव (प्रतिनिधी) वेगवेगळ्या घटनेत शहरातील दोघांनी गळफास लावून आत्महत्या केल्या आहेत. याप्रकरणी रामानंद पोलीस स्थानकात अकस्मात मृत्यूची नोंद करण्यात आली असून आत्महत्या हरीविठ्ठल नगर तसेच पारख नगरमध्ये झाली आहे.
याबाबत आधिक माहिती अशी की, एकनाथ सुरेश शिंपी (वय-४० रा. हरीविठ्ठल नगर) आणि अनिल उर्फ अनिरूध्द शांताराम भालेराव (वय-४५ रा. रामानंद नगर रोडवरील चर्चच्या पाठीमागे पारख नगर) या दोघांनी गळफास घेवून आत्महत्या केली आहे.
पहिल्या घटनेत
एकनाथ सुरेश शिंपी हे आईसह राहतात. एकनाथ शिंपी हे विवाहित असून बांधकाम सेंटींगचे काम करतात. कौटुंबिक वादामुळे पत्नी मुलासह शिरपूर येथे माहेरी राहतात. कौटुंबिक वादामुळे ते काही वर्षापासून तणावात व नैराश्येत होते व त्यांना दारूच्या आहारी गेले. बुधवारी रात्री आईसोबत जेवण करून झोपले. आई पुढच्या खोली झोपलेली असतांना एकनाथने मध्यरात्री छताला दोरी बाधूंन गळफास घेवून आत्महत्या केली आहे. मुलाने गळफास घेतल्याचा प्रकार सकाळी आईच्या लक्षात आला. तातडीने जिल्हा रूग्णालयात दाखल केले असता वैद्यकिय अधिकारी यांनी मृत घोषीत केले. याप्रकरणी रामानंदनगर पोलीस ठाण्यात अकस्मात मृत्यूची नोंद करण्यात आली. पुढील तपास पोहेकॉ सतिश डोलरे, पो.कॉ. हरीष डोईफोडे करीत आहे.
दुसऱ्या घटनेत –
पोलीसांकडून मिळालेल्या माहितीनुसार, रामानंद नगर रोडवरील चर्चच्या पाठीमागे पारख नगरात राहणारे अनिल उर्फ अनिरूध्द शांताराम भालेराव (वय-४५) मिळेली ती मोलमजूरी करून काम करतात. घरी वडीलांसह राहतात. अविवाहित असल्याने ते चिंतेत होते. यातचे अनिल याला दारू व्यसनाच्या आहारी गेला. दरम्यान, बुधवारी दुपारी ४ वाजता वडील राहत्या घराच्या पुढच्या हॉलमध्ये झोपलेले असतांना पाहून अनिलने मागच्या घरात दोरीने गळफास घेवून आत्महत्या केली. वडील झोपेतून उठल्यानंतर मुलाने गळफास घेतल्याचे दिसून आले. त्यांनी तातडीन रामानंदनगर पोलीस ठाण्याला कळविले. रामानंद नगर पोलीस ठाण्यात अकस्मात मृत्यूची नोंद करण्यात आली. पुढील तपास पोहेकॉ विनोद शिंदे व हरीष डोईफोडे करीत आहे.
