जळगाव (प्रतिनिधी) जळगाव पोलिस दलाच्या (Jalgaon Police) प्रतिबंधात्मक कारवाई मिशनमध्ये जळगाव शहरातील आणखी दोन गुन्हेगार जाळ्यात अडकले आहेत. संदिप भास्कर ढोके आणि विशाल वाल्मिक जाधव (दोघे रा.गेंदालाल मिल,जळगाव) या दोघं गुन्हेगारांना हद्दपार करण्यात आले आहे. (Jalgaon Crim News)
मागील काही दिवसापासून पोलीस दलाने जळगाव जिल्ह्यातील गुन्हेगारी नियंत्रणात आणण्यासाठी जिल्हा पोलिस दलाने ‘मिशन प्रिव्हेन्शन’ अंतर्गत आपल्या कारवाईचा धडाका सुरूच ठेवला आहे. संदिप ढोके आणि विशाल जाधव या दोघांविरुद्ध जळगाव शहर पोलिस स्टेशनला विविध गुन्हे दाखल आहेत. त्यांच्यावर वेळोवेळी योग्य ती कायदेशीर कारवाई देखील करण्यात आली आहे. मात्र त्यांच्या वर्तनात बदल होत नव्हता. त्यामुळे दोघांना जळगाव जिल्ह्यातून दोन वर्षासाठी हद्दपार करण्यात आल्याची माहिती स्थानिक गुन्हे शाखेचे वरिष्ठ पोलीस निरीक्षक किसनराव नजन-पाटील यांनी दिली आहे.
