जळगाव (प्रतिनिधी) शहर पोलीस ठाण्याशेजारीच केळकर मार्केटमध्ये दोन दुकाने फोडून १५ हजाराची रोकडसह गव्हाची गोणी, २ होम थिएटर लांबविणाऱ्या चोरट्यांना आज शहर पोलिसांनी अटक केली आहे.
शहरातील केळकर मार्केटमध्ये मनोज कुमार हुकुमचंद दुग्गड (वय ५२ रा. गणेश कॉलनी) यांचे मालकीचे दुकान (नं ९) वृषभ हेजिअरी आहे. याच दुकानाच्या शेजारी दुकान नं ८ हे प्रदीप लालचंद कटारिया (रा. सिंधी कॉलनी) यांचे बाबा गारमेंटचे दुकान आहे. शनिवार (ता. २६)च्या रात्री दुकानात पाहणी केली असता दुग्गड यांच्या दुकानातील रोकड असलेली ड्राव्हर तोडून त्यामधील ९ हजार रुपये चोरट्यांनी लांबविली होते. तर कटारिया यांच्या दुकानातील सामान अस्ताव्यस्त पडलेला होता. तर त्यांच्याही दुकानातून ६०० रुपयांची रोकड चोरट्यांनी लांबविली होती. तसेच बळीराम पेठेतील श्रेया अपार्टमेंटमधील विजय काशिनाथ देशमुख यांच्या घराचे कुलूप तोडून गव्हाची गोणी, होम थिएटर चोरून नेण्यात आला होता. सीसीटीव्हीत कैद चोरट्यांच्या टोळीला शहर पोलिसांनी अटक केली असून संशयितांनी गुन्ह्याची कबुली देखील दिली आहे. याच दरम्यान त्यांनी बळीराम पेठेतील भागचंद कुंदनमल जैन यांच्याही बांधकाम सुरू असलेल्या ठिकाणाहून कोपर वायरचे बंडल लांबविले होते, त्याचीही त्यांनी कबुली चोरटयांनी दिली आहे. दरम्यान शिवाजी नगर हुडको येथील अल्पवयीन चोरटे चोरी करून मिळालेल्या पैशांमधून पार्ट्या तसेच मौजमजा करीत असल्याची माहिती शहर पोलिसांना मिळाली. त्यानुसार शहर पोलिस स्टेशनच्या यांच्या पथकाने संशयितांना ३० डिसेंबर रोजी शिवाजी नगर हुडको मधून ताब्यात घेतले. संशयित अल्पवयीन असल्याने त्यांना बाल न्याय मंडळात समक्ष हजर करण्यात आले.
