जळगाव (प्रतिनिधी) विधानपरिषद निवडणूकमध्ये लागोपाठ महाविकास आघाडीला मोठा एक धक्का बसला असून एकनाथ शिंदे शिवसेनेच्या २५ आमदारांसह नॉट रिचेबल झाले आहेत. यात जळगावच्या पाचोराचे आमदार किशोर पाटील आणि मुक्ताईनगरचे आमदार चंद्रकांत पाटील हे देखील नॉट रिचेबल असल्याची चर्चा आहे. याचबरोबर शिंदे यांच्या नोट रिचेबल असल्याबाबत काही माध्यमांनी पालकमंत्री गुलाबराव पाटील यांनी कोणतीही प्रतिक्रिया देण्यात नकार दिला आहे.
गेल्या वर्षभरापासून नगरविकासमंत्री एकनाथराव शिंदे हे मुख्यमंत्री उद्धव ठाकरे व महाविकास आघाडी सरकारवर नाराज आहेत. त्यांच्या गटातील अनेक आमदार देखील महाविकासआघाडीवर नाराज आहेत. विधान परिषदेतील आपल्या अपयशाची कारणे शोधण्यासाठी शिवसेनेने आज बैठकीचे आयोजन केले होते. परंतू, काल सायंकाळपासून नगरविकास मंत्री ना.एकनाथ शिंदे त्यांच्या गटातील आमदार नॉटरिचेबल असल्याचे म्हटले जात आहे. याची खबर मातोश्रीवर पोहोचताच उद्धव ठाकरे यांनी मातोश्रीवर आमदारांच्या विशेष बैठकीचे आयोजन केले होते मात्र या ठिकाणी स्वतः एकनाथ शिंदेसह आमदार नॉटरिचेबल असल्यामुळे त्या ठिकाणी आली नाहीत. ना.एकनाथ शिंदे समर्थक समजले जाणारे जळगावातील दोन आमदार देखील नॉट रीचेबल म्हटले जात आहे. परंतु आमदार चंद्रकांत पाटील आणि किशोर पाटील यांच्या कोणत्याही प्रतिनिधी मार्फत अद्यापही नॉट रिचेबलच्या वृत्ताचे खंडन करण्यात आलेले नाहीये.
