जळगाव (प्रतिनिधी) शहरातील मराठी प्रतिष्ठान व रामलाजी चौबे मेमोरियल ट्रस्ट यांच्या संयुक्त विद्यमाने दुचाकी रुग्णवाहिका लोकार्पण सोहळ्याचा कार्यक्रम आज सकाळी मोटेल कोझी कॉटेज, सागर पार्क समोर महापौर भारती सोनवणे, आयुक्त सतीश कुळकर्णी, माजी आमदार जयप्रकाश बाविस्कर, माजी महापौर नितीन लडढा, पीपल बँकेचे अध्यक्ष भालचंद्र पाटील, ऍड शुचिता हाडा,रामलाल मेमोरियल ट्रस्टचे अध्यक्ष प्रकाश चौबे यांच्या उपस्थितीत पार पडला.
महापौर भारती सोनवणे यांचा हस्ते दुचाकी रुग्णवाहिकेवरील कापडी अनावरण काढून उद्घाटन करण्यात आले. उपस्थित मान्यवर यांनी या प्रसंगी मनोगत व्यक्त केले. ना नफा ना तोटा या तत्वावर शहरातील रूणांना दवाखान्यातुन घरी अथवा घरून दवाखान्यात ने आण करण्यासाठी सेवा उपलब्ध होणार आहे. दुचाकी रुग्णवाहिका सेवा महाराष्ट्रात प्रथमच जळगाव येथे सुरू होत आहे. लाईफलाईन या नावाने सुरू होणाऱ्या या सेवेला रामलाल चौबे मेमोरियल ट्रस्ट ने १००% आर्थिक सहाय्य केले आहे. मराठी प्रतिष्ठानच्या माध्यमातून दुचाकी रुग्णावाहिका सेवा संचलित केली जाणार आहे. दुचाकी रुग्णवाहिकेची अंतर्गत/बाह्य सजावट आटो आयकॉन यांनी केली आहे. मराठी प्रतिष्ठान चे ऍड जमील देशपांडे यांनी रुग्णवाहिके बद्दल सविस्तर माहिती दिली. प्रतिष्ठानचे सचिव विजय वाणी, उपाध्यक्ष सतीश रावेरकर, सौ अनुराधा रावेरकर, सौ संध्या वाणी, सौ निलोफर देशपांडे विद्या चौधरी यांनी नियोजन केले. कार्यक्रमाचे सूत्र संचालन सागर चौबे यांनी केले. तर आभार प्रकाश चौबे यांनी मानले.
