धरणगाव (प्रतिनिधी) जळगावरोडवरील वल्लभ जिनिंगजवळ आज दुपारी दुचाकी आणि कारची समोरासमोर झालेल्या धडकेत तरुण गंभीर जखमी झाल्याची घटना घडली आहे.
या संदभार्त अधिक असे की, आज दुपारी ३ वाजेच्या सुमारास जळगावकडून धरणगावच्या दिशेने येणारी कार क्र.(एम.एच-१९ एएक्स ४४११) आणि दुचाकी क्र (एम.एच-१९ डी.डी.४९७०) या दोघांची समोरासमोर धडक झाली. या धडकेत दुचाकी स्वार घनश्याम आधार शिरसाठ (रा. वाघळूद) हा गंभीर जखमी झाला असून त्याच्यावर धरणगाव ग्रामीण रुग्णालयात प्राथमिक उपचार केल्यानंतर जळगाव रवाना करण्यात आले . दरम्यान, याबाबत धरणगाव पोलीस स्थानकात अद्यापपर्यंत कोणताही गुन्हा नोंद नव्हता. त्यामुळे सविस्तर माहिती मिळू शकली नव्हती.