धरणगाव (प्रतिनिधी) येथून जवळच असलेल्या चैताली जिनिंग जवळ आज दुपारी अज्ञात वाहनाच्या धडकेत एक दुचाकीस्वार जागीच ठार झालाय. रोहिदास झुला पाटील (वय,५५, रा.गारखेडा) असं मयत व्यक्तीचे नाव आहे.
या संदर्भात नातेवाईकांनी दिलेली माहिती अशी की, गारखेडा येथील रहिवासी रोहित झुला पाटील हे कामानिमित्त पिंप्री येथे गेले होते. आज दुपारी दीड वाजेच्या सुमारास आपली दुचाकीने घरी परत जात होते. परंतू अचानक एका अज्ञात वाहनाने त्यांच्या दुचाकीला जोरदार धडक दिली. या अपघातात त्यांच्या डोक्याला जबर मार बसला. त्यानंतर त्यांना जखमी अवस्थेत धरणगाव ग्रामीण रुग्णालयात आणण्यात आले. परंतू डॉक्टरांनी तपासणीअंती त्यांना मृत घोषित केले. दरम्यान, शेवटचे वृत्त हाती आले तोपर्यंत अपघाताची नोंद करण्याचे काम पोलिस स्थानकात सुरु होते.
