वरणगाव (प्रतिनिधी) शहरातील तिरंगा चौकातून चोरीच्या चार दुचाकींसह चोरट्याला जळगाव स्थानिक गुन्हे शाखेच्या पथकाने गुरूवारी २९ ऑगस्ट रोजी सायंकाळी ५ वाजता अटक केली आहे. याप्रकरणी वरणगाव पोलीस ठाण्यात गुन्हा दाखल करण्यात आले आहे. त्यांच्याकडून चोरीच्या चार दुचाकी हस्तगत केल्या आहेत. जाबीर शहा भिकन शहा रा. वरणगाव असे अटक केलेल्या संशयित आरोपीचे नाव आहे.
वरणगाव शहरातील तिरंगा चौकात संशयित आरोपी जाबीर शहा हा चोरीची दुचाकी घेवून फिरत असल्याची गोपनिय माहिती जळगाव स्थानिक गुन्हे शाखेच्या पथकाचे वरीष्ठ पोलीस निरीक्षक बबन आव्हाड यांना मिळाली. त्यानुसार पथकातील पोलीस उपनिरीक्षक दत्तात्रय पोटे, सहाय्यक फौजदार विजयसिंग पाटील, पोहेकॉ सुधाकर आंभोरे, अकरम शेख, लक्ष्माण पाटील, ईश्वर पाटील, रणजीत जाधव, जितेंद्र पाटील, भूषण पाटील, भारत पाटील, दिपक चौधरी या पथकाने गुरूवारी २९ ऑगस्ट रोजी सायंकाळी ५ वाजता कारवाई करत दुचाकी चोर जाबीर शहा भिकन शहा याला अटक केली, त्याची कसून चौकशी केली असता त्याने चोरी केलेल्या चार दुचाकी काढून दिल्या. ह्या दुचाकी त्याने मुक्ताईनगर, मलकापूर, मध्यप्रदेशातील बऱ्हाणपूर आणि जळगाव येथून चोरी केल्या आहेत. त्याच्याकडून चारही दुचाकी जप्त करण्यात आले आहे. याप्रकरणी वरणगाव पोलीस ठाण्यात गुन्हा दाखल करण्यात आला आहे.
