धरणगाव (प्रतिनिधी) महाराष्ट्र उद्योजकता विकास केंद्र व जिल्हा उद्योगाच्या संयुक्त विद्यमाने मुख्यमंत्री रोजगार निर्मिती कार्यक्रमाअंतर्गत धरणगावात उद्योजकता परिचय प्रशिक्षण व कर्ज मेळाव्याचे आयोजन करण्यात आले आहे.
प्रशिक्षण कार्यक्रमाचे उदघाटन माजी जि.प. सदस्य प्रताप गुलाबराव पाटील यांच्या हस्ते करण्यात येणार आहे. प्रशिक्षण कार्यक्रमा दरम्यान प्रमाणपत्र वाटप व मुख्यमंत्री रोजगार निर्मिती कार्यक्रम या योजनेचा अर्ज मोफत पोर्टलवर भरून दिला जाणार आहे. यासाठी लाभार्थींनी पुढील प्रमाणे कागदपत्रे सोबत आणावी १. शाळा सोडल्याचा दाखला २ मार्कशीट ३. जातीचा दाखला ४. प्रकल्प अवहाल ५. पेनकार्ड ई. सदरची योजना हि उद्योग संचालनालय, महाराष्ट्र शासन यांच्याकडून जिल्हा उद्योग केंद्र,जळगाव राबवत आहे.
या योजनेतून लाभार्थीना १५ ते ३५ टक्केपर्यंत अनुदान शासन देते. धरणगाव तालुक्यातील जास्तीत जास्त तरुण-तरुणींनी लाभ घ्यावा असे आव्हान जळगाव जिल्हा उद्योग केंद्राचे महाव्यवस्थापक चेतन पाटील यांनी केले आहे. अधिक माहिती व नाव नोंदणीसाठी महाराष्ट्र उद्योजकता विकास केंद्राचे तालुका समन्वयक समीर भाटीया (मो. ९१५८०६९९४४) यांच्यासोबत संपर्क करण्याचे कळविण्यात आले आहे.
