छत्रपती संभाजीनगर (वृत्तसंस्था) स्त्याच्या बाजूला उभ्या असलेल्या दोन वर्षीय चिमुकल्यास पिशोरकडे येणाऱ्या बसने धडक दिल्याने त्याचा जागीच मृत्यू झाला. हा अपघात साखवेल येथे मंगळवारी (दि.१६) दुपारी घडला. स्वराज संतोष निकम असे मृत मुलाचे नाव आहे.
स्वराज हा वासडी शिवारातील साखरवेल नजीक रोडवरील घरासमोर उभा होता. कन्नडहुन पिशोर येणाऱ्या बसला एका कारने हुलकावणी दिल्याने बस (एम एच २० बी एल १४५१) रस्त्याच्या कडेला उतरली, यात उभ्या असलेल्या स्वराजला बसचा धक्का लागला. यात स्वराजच्या डोक्यास गंभीर मार लागून तो जखमी झाला. त्याला उपचारासाठी कन्नड येथील शासकीय रुग्णालयात दाखल करण्यात आले. त्यानंतर पुढील उपचारासाठी घाटीत दाखल करण्यात आले.
उपचरादरम्यान स्वराजचा मृत्यू झाला. चालक छगन बाजीराव बांगर यांनी बस पिशोर ठाण्यात आणून स्वत: हजर झाला. पिशोर पोलीस ठाण्यात अपघाताची नोंद घेण्यात आली आहे. पुढील तपास पोलीस उपनिरीक्षक डोईफोडे व बिटअंमलदार पंढरीनाथ इंगळे हे करीत आहेत.
