देऊळगाव राजा (वृत्तसंस्था) सिमेंटचे खांब वाहून नेणारा ट्रॅक्टर पलटी होऊन ट्रॅक्टर खाली दबून जुळ्या भावा-बहिणीचा मृत्यू झाला. ही घटना तालुक्यातील गोळेगाव येथे २ जुलै घडली होती. सदर प्रकार उघडकीस आल्यानंतर देऊळगाव राजा व जालना पोलिसांकडून सिंदखेड राजा पोलिसांत मर्ग दाखल करण्यात आला आहे. तर तिसऱ्या मुलावर जालना येथे अतिदक्षता विभागात उपचार सुरू आहेत.
अचली डावरगाव (वसंतनगर येथील जगदीश पवार व अंजनाबाई जगदीश पवार हे जोडपे देऊळगाव राजा तालुक्यातील गोळेगाव येथे शेतमजुरीसाठी आले होते. शेतात तार कंपाउंडसाठी सिमेट खांब शामराव एडके यांच्या ट्रॅक्टरमध्ये भरून पवार दांपत्य आपल्या मुलाबाळांसह शेतात जात होते. दरम्यान, अचानक ट्रॅक्टर पलटी होऊन अपघात घडला.
या अपघातात जगदीश पवार यांचा मुलगा जयेश (६) जागीच ठार झाला. तर जयेशची जुळी बहीण जागृती (६) ही उपचारादरम्यान जालना येथे मृत पावली. तर मुलगा जतीन पवार (९) हा गंभीर जखमी झाला. त्याच्यावर जालना येथे अतिदक्षता विभागात उपचार सुरू आहेत. सदर अपघातानंतर मृतक जयेश यावर देऊळगाव राजा शवविच्छेदन करण्यात आले. तर जागृती हिचे शवविच्छेदन जालना येथे करण्यात आले. याबाबतचे वृत्त ‘पुण्य नगरी’ दिले आहे.
