बेंगळुरू (वृत्तसंस्था) केंद्रीय मंत्री श्रीपाद नाईक यांच्या गाडीला अपघात झाल्याची धक्कादायक बातमी समोर आली आहे. या अपघातात नाईक हे जखमी झाले. तर त्यांच्या पत्नीचा मृत्यू झाला आहे. केंद्रीय मंत्री श्रीपाद नाईक हे प्रवास करीत असताना त्यांच्या गाडीचा अपघात झाला. या अपघातात त्यांच्यासोबत पत्नी विजया नाईक यांचा मृत्यू झाल्याची खळबळजनक बातमी समोर आली आहे.
जखमी झालेल्या नाईक यांना लगेचच रुग्णालयात दाखल करण्यात आलं. दरम्यान, पंतप्रधान नरेंद्र मोदी यांनी गोव्याचे मुख्यमंत्री प्रमोद सावंत यांना फोन केला आहे. नाईक यांच्यावर गोव्यात योग्य उपचार करण्यात यावे, अशी सूचना मोदींनी मुख्यमंत्री सावंत यांना केली आहे. पुढील उपचारासाठी नाईक यांना गोव्याला हलविण्यात आलं आहे. कर्नाटकातील उत्तर कन्नड जिल्ह्यातल्या अंकोला तालुक्यातील एका गावाजवळ श्रीपाद नाईक यांच्या कारला भीषण अपघात झाला. या घटनेत श्रीपाद नाईक जखमी झाले. तर त्यांच्या पत्नीचा मृत्यू झाला. जखमी झालेल्या नाईक यांना उपचारासाठी रुग्णालयात दाखल करण्यात आलं आहे. चालकाचा गाडीवरील ताबा सुटल्यानं हा अपघात झाल्याचं सांगण्यात येतंय. नाईक हे पत्नीसह येल्लापूरहून गोकर्णाला चालले होते. या प्रकरणी पोलिसांनी गुन्हा दाखल केला आहे. कारमध्ये नाईक यांच्यासह एकूण चार जण होते. या भीषण अपघातात श्रीपाद नाईक यांच्या पत्नीसह नाईक यांच्या स्वीय सहायकाचाही मृत्यू झाला आहे, अशी माहिती उत्तरा कन्नडा जिल्ह्याचे पोलीस अधीक्षक शिवप्रकाश देवराजू यांनी दिली. नाईक यांना योग्य उपचार द्यावेत, गोव्याचे मुख्यमंत्री प्रमोद सावंत यांना पंतप्रधान मोदींनी फोन केला. श्रीपाद नाईक यांना उपचारासाठी गोव्याला हलविण्यात आलं आहे.
दरम्यान, श्रीपाद नाईक यांच्या पत्नीच्या निधानावर कर्नाटकचे मुख्यमंत्री बी. एस. येडियुरप्पा यांनी शोक व्यक्त केला आहे. तर श्रीपाद नाईक यांच्यासाठी संरक्षणमंत्री राजनाथ सिंह यांनी गोव्याच्या मुख्यमंत्र्यांना फोन केला. नाईक यांना योग्य उपचार देण्यात यावेत, असं राजनाथ सिंह म्हणालेत. तर गरज पडल्यास त्यांना पुढील उपचारासाठी विमानाने दिल्ली हलवावं, असंही राजनाथ सिंह यांनी गोव्याचे मुख्यमंत्री प्रमोद सावंत यांना सांगितलं. श्रीपाद नाईक हे गोव्यातील मोठं प्रस्थ आहे. गोव्याचे मुख्यमंत्री दिवंगत मनोहर पर्रीकर यांच्या निकटवर्तींयापैकी एक आहेत. गोव्यातील भाजपचा चेहरा म्हणूनही त्यांचा ओळखलं जातं.
