जळगाव (प्रतिनिधी) महात्मा गांधी शिक्षण मंडळाचे कला शास्त्र व वाणिज्य महाविद्यालयात वनस्पतीशास्त्र विभागात विद्यापीठस्तरीय सायंटिफिक पोस्टर प्रेसेंटेशन स्पर्धेचे आज आयोजन करण्यात आले. कार्यक्रमाची सुरुवात दिपप्रज्वलन व स्वागत गिताने करण्यात आली. पोस्टर्स स्पर्धेचे उद्घाटन महात्मा गांधी शिक्षण मंडळाचे सचिव डॉ. स्मिताताई संदीप पाटील यांच्या हस्ते करण्यात आले.
या प्रसंगी महाविद्यालयाचे प्राचार्य डॉ. डी. ए. सूर्यवंशी उपप्राचार्य प्रा. डॉ. ए. एल. चौधरी, प्रा. डॉ. व्ही. टी. पाटील, प्रा. एन. एस. कोल्हे, डॉ. के. एन. सोनवणे व प्रा. डॉ. पी. एस. लोहार इत्यादी प्रामुख्याने उपस्थित होते. कार्यक्रमाचे प्रास्ताविक वनस्पतीशस्त्र विभागाचे प्रमुख प्रा. डॉ. आर. एम. बागूल यांनी केले. प्रमुख पाहुणे म्हणून डॉ. मो. रागीब, सहयोगी प्राध्यापक एस. एस. पाटील कॉलेज ऑफ फार्मसी चोपडा, प्रा. डॉ. ए. एल. चौधरी, प्रा. डॉ. पी. एस. लोहार यांनी पोस्टर प्रेसेंटेशन बाबत मार्गदर्शन केले. कवयत्री बहिणाबाई चौधरी उत्तर महाराष्ट्र विद्यापीठ परिक्षेत्रातील विविध महाविद्यालयातील एकूण ‘६८’ विद्यार्थ्यांनी स्पर्धेत सहभाग नोंदविला. प्रामुख्याने इकॉनॉमिक बॉटनी, ग्लोबल वार्मिंग , कोविड-१९, औषधी वनस्पती, प्रदूषण, कार्बन इकोनॉमी,शैवाल इत्यादी विषयांचा समावेश होता. या स्पर्धेत प्रथम क्रमांकाचे बक्षीस फरीद भैय्या खाटिक (एस. वाय. बी. एस्सी) या विद्यार्थ्याला ग्लोबल वार्मिंग चालेंज इन फ्युचर या विषयायासाठी देण्यात आले, द्वितीय क्रमांकाचे बक्षीस किसान महाविद्यालय पारोळा येथील कु. भाग्यश्री शरद कोठावदे, कु. नलिनी रंगराव पाटील व कु. कोमल हरीश्चंद्र पाटील या विद्यार्थिनींना इकॉनॉमिक बॉटनी या विषयासाठी देण्यात आले, व तृतीय क्रमांकाचे बक्षीस महात्मा गांधी शिक्षण मंडळाचे कला शास्त्र व वाणिज्य महाविद्यालयाचे पाटील नेहा सोपान, तडवी अमान अजित, पवार सोनाल विजय व चेतना पाटील आणि राची जैन यांना संयुक्त स्वरुपात औषधी वनस्पती या विषयासाठी देण्यात आले.
सूत्रसंचालन लक्ष्मण भिका पाटील व डॉ. जे. जी. पाटील यांनी केले व आभारप्रदर्शन डॉ. पी. एन. सौदागार यांनी केले. महात्मा गांधी शिक्षण मंडळाचे अध्यक्ष मा. भैय्यासाहेब ॲड. संदीप सुरेश पाटील, सचिव डॉ. स्मिताताई संदीप पाटील व प्राचार्य डी.ए.सुर्यवंशी यांनी या कार्यक्रमासाठी विभागास प्रोत्साहन दिले.
