धरणगाव (प्रतिनिधी) आज येथे केंद्र सरकार व महाराष्ट्र सरकार यांच्या संयुक्त विद्यमाने गुलाबराव पाटील यांच्या संकल्पनेतुन मोठा माळी वाडा मढी परिसर तसेच मोरवाडी कासार गल्ली परिसररात सकाळी ९ ते ५ या वेळात ‘चला आपल्या प्रभागाला १००% लसीकरण करून कोरोनामुक्त करुया..!’ या मोहिमे अंतर्गत लसीकरण ३००० कोविशील्ड लसचे डोसेस उपलब्ध झाले होते. त्यानुसार टोकन पध्दतीने लसीकरण करण्यात आले.
मोठा माळी वाडा परिसरात माळी समाज मढीमध्ये लसीकरणाची व्यवस्था करण्यात आली आहे. उदघाटन समाजाचे अध्यक्ष विठोबा महाजन यांचे हस्ते करण्यात आले. या प्रसंगी शिवसेना सहसंपर्क प्रमुख गुलाबराव वाघ, नगराध्यक्षा उषा वाघ, नगरसेविका सुरेखा विजय महाजन, नगरसेवक कैलास माळी, समाजाचे पंच विजय महाजन, युवा सेना प्रमुख संतोष माळी उपस्थित होते. तसेच मोरवाडी कासार गल्ली परिसरात नगरसेवक प्रविण रघुनाथ चौधरी, नगरसेविका आराधना नंदकिशोर पाटील आदी उपस्थित होते. मोहीम यशस्वी करण्यासाठी शिवसेना शाखा प्रमुख व सर्व पदाधिकाऱ्यांनी मेहनत घेतली.
