भुसावळ (प्रतिनिधी) शहरातील डॉ. मानवतकर यांच्या हॉस्पिटलमध्ये पंचशील नगर भागात एका तरुणास जुन्या भाडंणावरून लोखंडी रॉडने मारहाण केल्याचा घटना घडली असून त्या जखमीस डॉ.मानवतकर यांच्या हॉस्पिटलमध्ये उपचारासाठी आणले असतांना त्या तरुणाचा आज उपचारादरम्यान मृत्यू झाला. याचा राग नातेवाईकांना आल्याने त्यांनी हॉस्पिटलची तोडफोड केल्याच्या कारणावरून त्यांच्या विरुद्ध पोलीस स्टेशनला गुन्हा दाखल करण्यात आला आहे.
सविस्तर वृत्त असे की, फिर्यादी डॉ. राजेश तुकाराम मानवतकर यांनी दिलेल्या फिर्यादीवरून (दि.10 ऑक्टोबर 2020) रोजी रात्री पंचशील नगरातील रहिवाशी शेख कैफ शेख जाकीर यास उपचारासाठी डॉ. मानवतकर यांच्या हॉस्पिटलमध्ये आणले असतांना उपचार दरम्यान त्यांचा मृत्यू झाल्याचे डॉ.उमेश मधुकर सपकाळे यांनी घोषित केले यांचा राग 10 ते 12 नातेवाईकांना आल्याने शिवीगाळ करून हॉस्पिटलचे काउंटरला लाथा मारून काच फोडला. तसेच खुर्चीचे नुकसान केले. म्हणून बाजारपेठ पोलीस स्टेशनला पोलीस निरीक्षक दिलीप भागवत यांच्या मार्गदर्शनाखाली दि.19 ऑक्टोंबर रोजी महाराष्ट्र राज्य वैद्यकीय सेवा अधिनियम (4) गु.र.न. 896/2020 भा.द.वि कलम 427,504 प्रमाणे गुन्हा दाखल करण्यात आला आहे. यामध्ये 10 ते 12 आरोपींचा समावेश आहे.
