जळगाव (प्रतिनिधी) आयुष्य जबाबदाऱ्या पार पाडण्यात खर्ची झाले. आता निवृत्त जीवन जगताना आपल्या सुप्त इच्छा पूर्ण करण्यासाठी वेळेचे योग्य नियोजन करावे, असे प्रतिपादन प्रमोद बोरोले यांनी आज वासुदेव ज्येष्ठ नागरिक संघाच्या मासिक सभेत केले.
रिंग रोड येथील योग केंद्रात वासुदेव ज्येष्ठ नागरिक संघाची मासिक सभा पार पडली. यावेळी व्यासपीठावर अध्यक्ष प्रकाश पाटील, धनराज पाटील, भानुदास पाटील आदी उपस्थित होते.
पुढे बोलताना प्रमोद बोरोले म्हणाले की, वासुदेव ज्येष्ठ नागरिक संघाने आज आपल्याला आपले कलाकौशल्य दाखवण्यासाठी व्यासपीठ उपलब्ध करून दिले आहे. ही एक सुवर्णसंधी आहे.
संगीत संध्येला प्रभाकर झांबरे यांनी शंखध्वनी करून सुरुवात केली. त्यानंतर पी. जी. पाटील यांनी भगवद्गीतेतील अध्याय १५ – पुरुषोत्तम योग पठण केले. गणेश सरोदे यांनी भजन, तर भास्कर खाचणे यांनी गवळण सादर केली. प्रभाकर झांबरे यांनी मनोगत व्यक्त करत हास्ययोग सादर केला. आर. एल. चौधरी यांनी आरोग्यासाठी फायदेशीर असलेल्या विविध मुद्रा करून दाखवल्या. प्रमोद बोरोले यांनी भजन सादर केले, तर ज्ञानेश्वर पाटील यांनी भक्तीगीत गायले. अशा प्रकारे विविध कलाकौशल्ये सादर करण्यात आली.
कार्यक्रमाच्या शेवटी संजय चौधरी यांनी आभार मानले. विश्वकल्याण साधणारी प्रार्थना होऊन कार्यक्रमाचा समारोप करण्यात आला.
या प्रसंगी विश्वनाथ वाणी, सुरेश बुलाखी बेलसरे, पुंजू भारंबे, दिनकर शंकर पाटील, रमण भोगे, प्रमोद बोरोले, आर. एल. चौधरी, लोटू फिरके, इंदुबाई सपकाळे, खुशाल महाजन, पंडित पाटील, अशोक ढाके, टी. व्ही. पाटील, सौ. वैशाली पाटील, यशवंत वारके, सौ. यमुनाबाई वारके, श्रीमती रजनी राणे, सोपान नेमाडे, खाचणे सर, गणेश सरोदे, ज्ञानदेव पाटील, दिलीप चौधरी, दिलीप मराठे, पांडुरंग पाटील, श्रीमती विजया भारंबे, श्रीमती प्रमिला धांडे आदी उपस्थित होते.
