धरणगाव (प्रतिनिधी) तालुक्यात काही ठिकाणी घरफोडी झाल्या आहेत. त्यामुळे ग्राम सुरक्षा दलाला सतर्क करून कुठलाही संशयित व्यक्ती दिसल्यास नागरिकांनी तात्काळ धरणगाव पोलिसांना संपर्क साधावा, असे आवाहन सोशल मिडियाच्या माध्यातून पोलीस निरीक्षक पोलीस निरीक्षक राहुल खताळ यांनी केले आहे.
तालुक्यातील पष्टाणे, सोनवद, कल्याने होळ या गावांमध्ये मागील विसर्जनाच्या दिवशी घरफोडी गुन्हे झालेले आहेत. तेच मोटर सायकलस्वार आज रोजी होणाऱ्या गणेश विसर्जनाचा फायदा घेऊन पुन्हा गुन्हे करण्याची शक्यता नाकारता येत नाही, तरी आपल्या ग्राम सुरक्षा दलाला सतर्क करून आज कोणत्याही परिस्थितीत रात्रग्रस्त करून आपले गाव सुरक्षित ठेवावे, असे आवाहन पोलीस निरीक्षक पोलीस निरीक्षक राहुल खताळ यांनी केले आहे. तसेच कोणत्याही प्रकारे संशयित हालचाली असणारी व्यक्ती दिसल्यास धरणगाव पोलिसांना संपर्क साधावे, असेही पो.नि. खताळ यांनी केले आहे. गस्त करताना स्वसंरक्षणार्थ सोबत लाठी, बॅटरी, शिट्टी सोबत ठेवावी, तसेच आपल्या गावातील ग्रुपवर हा मेसेज टाकून बंद घरांवर लक्ष ठेवण्याबाबत त्यांच्या शेजाऱ्यांना आवाहन करावे, असेही आवाहन पो.नि. खताळ यांनी केले आहे.
