जामनेर (प्रतिनिधी) ‘आम्ही सीआयडीचे पोलिस असून पुढे चोरी झाली असल्याची थाप मारून दोन भामट्यांनी शेतकऱ्याचे ६५ हजार रुपयांचे सोन्याचे दागिने लांबवल्याची घटना नुकतीच उघडकीस आली आहे. या प्रकरणी पोलिसांनी दोघा अज्ञात संशयितांविरुद्ध गुन्हा दाखल केला आहे.
अरुण पाटील हे दुचाकीने घराकडून बोदवड रस्त्यावर जात असताना मागून दुचाकीवर आलेल्या दोघांनी त्यांना थांबविले. संशयितांनी ओळखपत्र दाखविल्याने ते पोलिस असल्याची खात्री झाल्याने त्यांनी सोन्याच्या २ अंगठी, गळ्यातील चेन, खिशातील कागदपत्रे स्वतःच्या हाताने रुमालात बांधले व तो रुमाल त्यांच्या हातात दिला. रुमाल संशयितांनी फिर्यादीच्या दुचाकीच्या डिकीत ठेवला व हा रुमाल घरी गेल्यावर बघा, असे सांगून निघून गेले. अरुण पाटील यांनी घरी जाऊन बघितले असता रुमालात सोन्याचे दागिने आढळून आले नाहीत.
