मुंबई (वृत्तसंस्था) एका महाकाय सापाचा व्हिडीओ सध्या सोशल मीडियावर व्हायरल होत आहे. थेट आकाशातूनच साप जमिनीवर कोसळला आणि यावेळी नागरिकांची एकच घाबरगुंडी उडाली. हा व्हिडीओ पाहूनच तुम्हालाही धडकी भरेल.
या व्हिडीओत रस्त्याच्या वर एक वायर आहे, या वायरला एक अवाढव्य साप लटकला आहे. वायरला तो विळखा घालून बसला आहे. खाली नागरिकांचा आरडाओरडा सुरू आहे. हळूहळू साप आपला विळखा सोडतो आणि धाडकन जमिनीवर कोसळतो. सापाला पकडण्यासाठी बचाव पथक तिथं आधीपासूनच असल्याचं दिसतं आहे. साप रस्त्यावर पडताच त्याला पकडण्यासाठी प्रयत्न सुरू झाले. हा व्हिडीओ कधीचा आणि कुठला आहे माहिती नाही. पण व्हायरल हॉग ट्विटर अकाऊंटवर हा व्हिडीओ पोस्ट करण्यात आला आहे.
