चाळीसगाव (प्रतिनिधी) घर खाली करण्याच्या कारणावरुन महिलेला बेदम मारहाण करून जातीवाचक शिवीगाळ केल्याप्रकरणी चाळीसगाव शहर पोलीस ठाण्यात पती, पत्नीविरोधात गुन्हा दाखल करण्यात आला आहे.
शहरातील शिव पार्वतीनगरात २९ वर्षीय महिला राहते. या महिलेच्या खालच्या घरात भाडेकरू राहतात. गत ३ ते ४ महिन्यापासून भाडेकरून पती-पत्नीने फिर्यादी महिलेस अवमानकारक वक्तव्य केले. दरम्यान, घरमालक महिलेने भाडेकरूंना घर खाली करून द्या, असे सांगितल्याचा राग आल्याने फिर्यादी महिलेस मारहाण केल्याची घटना ८ रोजी सायंकाळी ७.३० वाजेच्या सुमारास घडली. या प्रकरणी महिलेच्या फिर्यादीवरून हेमराज पाटील व त्यांच्या पत्नीविरोधात चाळीसगाव शहर पोलिसात गुन्हा दाखल करण्यात आला आहे.
