अमरावती (वृत्तसंस्था) मामाच्या गावाहून वडिलांसोबत मोठ्या आनंदात घरी परत जाणाऱ्या १० वर्षीय मुलाचा अपघाती मृत्यू झाल्याची दुर्दैवी घटना बुधवारी रात्री ८ वाजताच्या सुमारास वरूड-नागपूर महामार्गावर सुरळी पेट्रोलपंपासमोर घडली.
अपघातातील मृताचे नाव अनुराग उमेश धोटे (१०), तर जखमी वडिलांचे दिल्याने नाव उमेश कृष्णराव धोटे (३५, दोघेही रा. येरला धोटे, ता. काटोल, जि. नागपूर) असे आहे. अनुरागला घेऊन उमेश धोटे हे मोरचूद येथे सासरी आले होते. उमेश धोटे व त्यांचा १० वर्षाचा मुलगा अनुराग हे दोघे दुचाकीने मोरचुदकडे जात होते. बुधवारी रात्री ८ वाजेच्या सुमारास अज्ञात वाहनाने त्यांच्या दुचाकीला जोरदार धडक दिली. या धडकेत दहा वर्षीय अनुराग याचा जागीच मृत्यू झाला. तर उमेश धोटे हे गंभीररीत्या जखमी झाले. पोलिसांना माहिती मिळताच ते तातडीने घटनास्थळी दाखल झाले. अनुरागचा मृतदेह ग्रामीण यात आणल्यानंतर डॉक्टरांनी त्याला मृत घोषीत केले. दरम्यान, अज्ञात वाहनचालकाविरुद्ध अपघाताचा गुन्हा दाखल झाला आहे.
