अमळनेर (प्रतिनिधी) तालुक्यातील पातोंडा गावातील ग्रामपंचायतीजवळ एका महिलेचा हात पकडून तिचा विनयभंग करत तिला व तिच्या वडिलांना मारहाण करून गंभीर दुखापत केल्याची घटना शुक्रवारी १३ सप्टेंबर रोजी सायंकाळी ६ वाजता घडली आहे. याप्रकरणी रात्री ८ वाजता अमळनेर पोलीस ठाण्यात एकावर गुन्हा दाखल करण्यात आला आहे.
अमळनेर तालुक्यातील पातोंडा गावात ३७ वर्षीय महिला हे आपल्या परिवारासह वास्तव्याला आहे. शुक्रवारी १३ सप्टेंबर रोजी सायंकाळी ६ वाजता गावातील ग्रामपंचायत कार्यालयाजवळून महिला आणि तिचे वडील हे जात असताना संशयित आरोपी समाधान कैलास पाटील याने महिलेचा हात पकडून तिचा विनयभंग केला. तसेच महिलेचे वडिलांना मारहाण करून गंभीर दुखापत केली. दरम्यान या घटनेबाबत महिलेने रात्री ८ वाजता अमळनेर पोलिसात धाव घेऊन तक्रार दिली आहे. त्यानुसार संशयित आरोपी समाधान कैलास पाटील यांच्या विरोधात गुन्हा दाखल करण्यात आला आहे. या घटनेचा पुढील तपास पोलीस हेड कॉन्स्टेबल संदीप पाटील करीत आहे.
