वावडदा (सुमित पाटील) वावडदा तालुक्यात जवळच असलेल्या बिलवाडी येथे आज दारू बंदीसाठी महिलांनी आक्रमक पवित्रा हाती घेतला आहे. यावेळी गावातील सर्व महिला उपस्थित होत्या.
काही दिवसापूर्वी वावडदा येथे पुर्ण १०० टक्के दारू बंद करून ठराव करण्यात आला होता. बिलवाडी गावातील सी आर पी महिला बचत गट अध्यक्ष संगिता रोहिदास पाटीलसह या महिलांनी पुढाकार घेऊन गावातील महिलांना एकत्र करून दारू बंदी निवेदन सरपंच सुलभा भरत पाटील, उपसरपंच कविता पाटील, पोलीस पाटील सुवर्णा उमरे, ग्रामसेवक एस एल बागुल यांना देण्यात आले. सर्व महिलांनी गावठी दारू विक्री करणाऱ्यांना समज दिली. परंतु, दारू विक्री करणाऱ्यांनी ह्या सर्व महिलांना धमकी दिली तरी सर्व महिला आक्रमक झाल्या. यावेळी पोलीस पाटील यांनी महिलांना शांत केले. यावेळी गावातील समाधान पाटील, विनोद पाटील, भरत पाटील, आबा गोपाळ, सुमन धनगर तसेच गावातील ४०० महिला उपस्थित होते.
