मुंबई (वृत्तसंस्था) शिवसेनेचे नेते व मुंबई मनपा स्थायी समिती अध्यक्ष यशवंत जाधव व पत्नी आमदार यामिनी यशवंत जाधव (Yashwant Jadhav) यांनी १०० कोटींचा घोटाळा केला आहे, असा आरोप भाजपाचे नेते व माजी खासदार किरीट सोमय्या (Kirit Somaiya) यांनी केला आहे.
शिवसेना नेते व मुंबई मनपा स्थायी समिती अध्यक्ष यशवंत जाधव त्यांच्या पत्नी आमदार यामिनी यशवंत जाधव १०० कोटींचा घोटाळा केला आहे. त्यामुळे आयकर विभागाने करोडो रुपयांची रोख रक्कम आणि १० बँक लॉकर्स जप्त केले आहेत. फिक्सर विमल अग्रवाल आणि मुंबई महापालिकेचे ५ कंत्राटदार आणि यशवंत जाधव कुटुंबीयांच्या ३३ जागांवर छापे सुरू असल्याचे किरीट सोमय्यांनी सांगितले आहे.
आजचा तीसरा दिवस असल्याने अनेकांच्या भुवय्या उंचावल्या होत्या. कारण नेमकी कशाची चौकशी सुरू आहे हे कोणालाचं माहित होतं नव्हते. किरीट सोमय्यांनी आयकर विभाग काय करतंय हे सांगितल्याने त्यांच्यावर आता कोणती कारवाई होणार याकडे सगळ्यांचे लक्ष लागले आहे. यशवंत जाधव यांच्या माझगाव घराबाहेर मागील तीन दिवसांपासून कडक पोलिस बंदोबस्त ठेवण्यात आला असून तिथं शिवसैनिक आक्रमक झाल्याचे देखील पाहायला मिळाले होते.
चौकशीचा तिसरा दिवस
महाविकास आघाडीच्या अनेक नेत्यांनी भाजपाचं सरकार केंद्र सरकारमधील यंत्रणा अत्यंत चुकीच्या पद्धतीने वापर करीत आहे. तसेच भाजपा नवाब मलिकांनी गुन्हा केल्याने त्यांना चौकशीसाठी ताब्यात घेतले असले असल्याचे म्हणत आहे. त्यामुळे राज्यात अनेक ठिकाणी निषेध नोंदवला जातं आहे. नवाब मलिकांना ताब्यात घेतल्यानंतर शिवसेना नेते यशवंत जाधव यांच्या घरी आयकर विभागाने छापे मारी सुरू केली आहे. ती मागच्या तीन दिवसांपासून सुरू असल्याने अनेकांना नेमकी कशाची चौकशी सुरू आहे अशी शंका होती. तसेच माझगाव येथील जाधवांच्या घराबाहेर कडक पोलिस बंदोबस्त ठेवण्यात आला आहे. त्यामुळे कोणतंही कारण अद्याप आयकर विभागाने सांगितलेलं नाही. यशवंत जाधव यांनी भ्रष्टाचार केला असून त्यातून मिळालेली रक्कम परदेशात लपवली असल्याचा त्यांच्यावरती आरोप होता.
