यावल (प्रतिनिधी) तालुक्यातील दहिगाव येथे माणुसकीला काळीमा फासणारी आणि धक्कादायक घटना घडली आहे. दहा रुपयांचे आमीष दाखवत एका साडेतीन वर्षीय चिमुकलीवर २५ वर्षीय नराधमाने बलात्कार केला आहे. याप्रकरणी येथील पोलिसात गुन्हा दाखल झाला असून नराधमास अटक करण्यात आली आहे.
यासंदर्भात अधिक असे की, यावल तालुक्यातील दहिगाव येथे एक कुटुंब हात मजुरी करून उदरनिर्वाह करते. सदर कुटुंबातील महिला ही शुक्रवारी (ता. ८) शेतकामास गेली होती. घरी त्यांची एक साडेतीन वर्षाची मुलगी आणि एक बालक होते. शेतमजुरी करून ज्या वेळेस ती महिला घरी परत आली, तेव्हा तिची साडेतीन वर्षीय मुलगी घरात दिसली नाही. तेव्हा आपल्या मुलांस तिने विचारले असता त्याने सांगितले, की शेजारील कैलास प्रल्हाद पाटील (वय २५) हे आपल्या दीदीला घेऊन गेले आहेत. तेव्हा या महिलेने कैलास पाटील यांच्या घरी जाऊन पाहिले असता त्यांची साडेतीन वर्षे बालिका अतिशय गंभीर अवस्थेत त्यांना आढळून आली. त्या बालिकेला त्यानी सोबत घेतले आणि घरी आणले. व तिची विचारपूस केली असता घटना मुलीने सांगितले.
सदर महिला ही भयभीत झाली व तिने ही घटना आपल्या पतीला सांगितली. आणि संशयीत कैलास पाटील यांच्या घरी गेली असता घरातून पळून गेला. तेव्हा पीडित बालिकेने पोलीस ठाणे गाठत संशयीत कैलास पाटील याच्या विरुध्द फिर्याद दिली. पीडीताची वैद्यकीय तपासणी केली असून पोलिस निरीक्षक सुधीर पाटील यांच्या मार्गदर्शनाखाली तपास सुरु आहे.
