जळगाव (प्रतिनिधी) शहरातील तांबापुरा शिरसोली नाका येथील वेल्डींग दुकानदार लहान मुलांनी पेटवलेल्या शेकोटीवर हात शेकत असतांना एक जण तेथे आला आणि येथे शेकोटी का पेटवली या कारणावरून वाद घातला. या किरकोड वादातून मारहाणीत दोघांचे डोके फोडल्या प्रकरणी एमआयडीसी पोलिसात गुन्ह्याची नोंद करण्यात आली.
पोलिसांत दाखल तक्रारीनुसार भजनसींग मितसींग बावरी (वय-३६) याच्या घरासमोरच लहान मुलांनी पेटवलेल्या शेकोटीवर हात शेकत बसला होता. यावेळी जगदीशसींग बावरी तेथे आला. येथे शेकोटी का पेटवली म्हणुन त्याने वाद घातला. लहान मुलांना शिवीगाळ करतोय म्हणुन हटकले असता जगदीशसींग याने प्रकाशसींग मितरसींग बावरी यांना शिवीगाळ करत हातातील लोखंडी कडे डोक्यात मारले, त्याचा भाऊ मोहनसींग याने भजनसींग याच्या डोक्यात वीट मारुन जखमी केले. परीसरातील रहिवाश्यांनी भांडण सोडवुन जखमींना जिल्हा रुग्णालयात हलवले. जखमी भजनसींगच्या तक्रारीवरुन एमआयडीसी पोलिसात गुन्ह्याची नोंद करण्यात आली आहे.
