जळगाव (प्रतिनिधी) येथील चिंचोली ते उमाळा दरम्यान सुसाट कारचालकाने दुचाकीला धडक दिल्याची घटना ७ जानेवारी रोजी घडली होती. अपघातात अजय देविदास पवार (वय-२५ रा.चिंचोली) गंभीर जखमी उपचारार्थ दाखल असल्याने आज रोजी जबाब दिल्यावरुन कारचालकाविरुद्ध गु्न्ह्याची नोंद करण्यात आली.
पोलिस ठाण्यात दाखल तक्रारी नुसार शेतकरी तरुण अजय देविदास पवार (वय-२५ रा.चिंचोली) हा त्याच्या दुचाकीने चिंचोली कडून उमाळ्या कडे जात असतांना सुसाट कार (एमएच.१२जे.यु.८७७०) वरील चालकाने दुचाकीला धडक दिली. अपघातात अजय पवार गंभीर जखमी होवुन त्यांना उपचारार्थ हलवण्यात आले. शुद्धीवर आल्यानंतर पोलिसांनी जबाब नोंदवल्यावरुन कार चालकाविरुद्ध गुन्ह्याची नोंद करण्यात आली. पुढील तपास पोलिस नाईक संतोष सोनवणे करीत आहेत.
