पुणे (वृत्तसंस्था) मुंबई बंगलुरु महामार्गावरील आंबेगाव खुर्द येथे तरुणाचा अर्धनग्न अवस्थेतील मृतदेह एका पोत्यात टाकलेल्या अवस्थेत आढळून आल्याने परिसरात एकच खळबळ उडाली आहे.
आज सकाळी सात वाजेच्या सुमारास ‘मॉर्निंग वॉक’साठी जाणार्‍या नागरिकांना स्वामी नारायण मंदिराजवळील सेवा रस्त्याच्या बाजूला एका तरुणाचा मृतदेह पोत्यात बांधून हात- पाय बांधलेल्या अवस्थेत आढळून आला. भारती विद्यापीठ पोलीस ठाण्याचे पोलीस अधिकारी व कर्मचारी घटनास्थळी दाखल झाल्यानंतर मृतदेह बाहेर काढण्यात आला. त्यानंतर या अज्ञात २५ ते ३० वयाच्या तरुणाचा खून झाला असल्याचे स्पष्ट झाले. दरम्यान, मृतदेहाची ओळख पटली असून पुढील तपास भारती विद्यापीठ पोलीस करीत आहेत.
