जळगाव (प्रतिनिधी) एका ६० वर्षीय वृध्द व्यक्तीने गळफास घेवून आत्महत्या केल्याची घटना सोमवारी सायंकाळी शहरातील गवळी वाड्यात घडली.
शहरातील तांबापूरा परिसरातील गवळी वाड्यातील उत्तम तानकू हटकर (वय-६०) यांनी घरात कोणीही नसतांना दोरीने गळफास घेवून आत्महत्या केली. सायंकाळी ५ वाजेच्या सुमारास मुलगा जिभाऊ उत्तम हटकर यांच्या निदर्शनास आले की, त्यांच्या वडिलांनी गळफास घेतला आहे. त्यांनी वडिलांना तातडीने खाली उतरवून जिल्हा शासकिय वैद्यकिय महाविद्यालयात दाखल केले. परंतू डॉक्टरांनी त्यांना मयत घोषित केले. दरम्यान, आत्महत्येचे नेमकं कारण अद्याप समजू शकले नाही. याप्रकरणी एमआयडीसी पोलीस ठाण्यात वैद्यकिय अधिकारी डॉ. विसपूते यांच्या खबरीवरून अकस्मात मृत्यूची नोंद करण्यात आली आहे.
