जळगाव (प्रतिनिधी) शहरातील तांबापुरा येथे गुरांच्या गोठ्यात एका वृध्दाने गळफास घेवून आत्महत्या केल्याची घटना आज उघडकीस आली आहे.
यासंदर्भात अधिक असे की, तांबापुरा येथे घरापासून काही अंतरावरच अशोक कौतिक हटकर (वय ६५) यांचा गोठा आहे. अशोक हटकर यांचा मुलगा रविंद्र हा मंगळवारी सकाळी ६ वाजता नेहमीप्रमाणे दूध काढण्यासाठी गेला असता, त्यावेळी त्याला वडील अशोक हटकर हे दोरीने गळफास घेतलेल्या अवस्थेत दिसून आले. त्याने तातडीने एमआयडीसी पोलिसांना घटना कळवून मृतदेह जिल्हा रुग्णालयात रवाना केला. जिल्हा रुग्णालयात वैद्यकीय अधिकार्यांनी त्यास मृत घोषित केले. अशोक हटकर यांनी आत्महत्या का केली हे अद्याप कळू शकलेले नाही. मयत अशोक हटकर यांच्या पश्चात पत्नी निर्मलाबाई व रविंद्र, विजय हे दोन मुले असा परिवार आहे.
