काबुल (वृत्तसंस्था) अफगाणिस्तानच्या दक्षिणी हेलमंदमधील नवा जिल्ह्यात अफगाणिस्तानच्या हवाई दलाच्या दोन हेलिकॉप्टरची धडक झाली. या अपघातात १५ जणांचा मृत्यू झाल्याची प्राथमिक माहिती समोर आली आहे.
सैन्याच्या दोन विमानांची धडक झाल्याने मोठी दुर्घटना घडली आहे. या दुर्घटनेमध्ये १५ जणांचा मृत्यू झाल्याची माहिती मिळत आहे. हेलिकॉप्टरच्या अपघाताचं नेमकं कारण अद्याप कळू शकलं नाही. या प्रकरणी जखमींचा देखील आकडा अद्याप समोर आला नाही. सध्या या ठिकाणी प्रशासन आणि आपत्कालीन यंत्रणेकडून बचावकार्य सुरू असल्याची माहिती मिळाली आहे. सैन्याचे हेलिकॉप्टर खाली कोसळल्याची माहिती आपत्कालीन व्यवस्थापनाचे अधिकारी घटनास्थळी दाखल झाले आहेत. या घटनेमध्ये जखमी झालेल्यांना तातडीने रुग्णालयात दाखल करण्यात आले आहे.
