अमरावती (वृत्तसंस्था) घरापासून काही अंतरावर असलेल्या शौचालयास गेलेल्या महिलेवर बलात्कार करुन तिची गळा आवळून हत्या करण्यात आल्याची खळबळजनक घटन अमरावती जिल्ह्यातल्या नांदगाव खंडेश्वर तालुक्यातील लोणी टाकळी गावात घडली आहे.
मृत महिला काही दिवसांपूर्वी भाऊबीजेसाठी आपल्या माहेरी लोणी येथे भावाकडे आली होती. तिच्यावर बलात्कार करुन हत्या करण्यात आल्यामुळे खळबळ उडाली आहे. महिला दुपारी तीन वाजल्याच्या सुमारास शौचालयासाठी घराबाहेर गेली, परंतू बराच वेळ होऊनही ती घरी परतली नसल्यामुळे घरच्यांनी शोध घ्यायला सुरुवात केली. यावेळी एका झाडाखाली तिचा मृतदेह आढळून आला. या प्रकाराची माहिती पोलिसांना देण्यात आल्यानंतर त्यांनी तात्काळ घटनास्थळी धाव घेतली. महिलेवर बलात्कार करुन तिची साडीने गळा आवळून हत्या करण्यात आल्याचं प्राथमिक तपासात उघड झालंय. मयत महिलेच्या वडिलांनी दिलेल्या तक्रारीवरुन अज्ञात आरोपीविरुद्ध गुन्हा दाखल करण्यात आला असून पोलीस आरोपींचा शोध घेत आहेत.
