मुक्ताईनगर (प्रतिनिधी) भुसावळात धूम स्टाईल झालेल्या चोरीची पुनरावृत्ती मुक्ताईनगरात शहरात झाल्याने महिलावर्गात घबराट पसरली आहे. संताजी नगरात गुरांना हाकलण्यासाठी बाहेर महिला येताच चोरट्यांनी धूम स्टाईल येत सात ग्रॅम वजनाची व 30 हजार रुपये किंमतीची पोत लांबवली. ही घटना 13 रोजी दुपारी दिड वाजता घडली. याप्रकरणी अज्ञात चोरट्यांविरोधात गुन्हा दाखल करण्यात आला.
धूम स्टाईत येत लांबवली पोत
प्रज्ञा प्रदीप तळेले (52, संताजी नगर, मुक्ताईनगर) या महिलेने मुक्ताईनगर पोलिसात दिलेल्या तक्रारीनुसार, त्यांनी अंगणात दाळ वाळू घातल्यानंतर गुरे आल्यानंतर त्यांना हकलण्यासाठी महिला अंगणात आल्या असता याचवेळी लाल रंगाच्या पल्सर दुचाकीवरून अज्ञात दोन भामट्यांनी काही कळण्याआत महिलेच्या गळ्यातील सात ग्रॅम वजनाचे व 30 हजार रुपये किंमतीची पोत लांबवली. महिलेने आरडा-ओरड केली मात्र तोपर्यंत चोरटे दिवाकर लॅबच्या दिशेने पसार झाले. महिलेच्या तक्रारीनुसार अज्ञात चोरट्यांविरोधात मुक्ताईनगर पोलिसात गुन्हा दाखल करण्यात आला. पोलिस निरीक्षक नागेश मोहिते व सहकार्यांनी धाव घेत पाहणी केली तसेच सीसीटीव्हीच्या आधारावर चोरट्यांचा शोध सुरू करण्यात आला आहे. तपास पोलिस उपनिरीक्षक प्रदीप शेवाळे करीत आहेत.
