चाळीसगाव (प्रतिनिधी) पळवून नेऊन एका अल्पवयीन तरूणीवर सामूहिक अत्याचार केल्याप्रकरणी रात्री उशिरा शहर पोलीस ठाण्यात दोघा नराधमांच्या विरोधात गुन्हा दाखल करण्यात आला आहे. दरम्यान, या घटनेमुळे तालुक्यात प्रचंड खळबळ उडालीय.
एका १६ वर्षीय शालेय अल्पवयीन तरुणीला पैशाचे आमिष दाखवून मोटरसायकलवरून पळवून नेण्यात आले. त्यानंतर तिच्यावर करगाव रोड परिसरातील अज्ञात पडीत घरात नेऊन आरोपी शेख सलीम शेख वजीर व हमीद बिरीम पिंजारी (दोघं रा. सुवर्णाताई नगर, चाळीसगाव) पाशवी अत्याचार केला. पीडित तरुणीला त्रास होऊ लागल्याने घडलेला सर्व प्रकार तिने आईला सांगितला. दरम्यान, आईने नातेवाईकांना घेऊन शहर पोलिस ठाणे गाठत तक्रार दिली. यावेळी महिला पोलीस कर्मचारी आणि दक्षता समिती सदस्या प्रतिभा पाटील यांच्यासमोर पिडीत तरुणीचे जाब जबाब नोंदवण्यात आले. पिडीत तरुणीने सर्व आपबिती सांगितल्यानंतर चाळीसगाव शहर पोलीस ठाण्यात रात्री उशिरा कलम- 376, डी ,ए 354 ए,366 ए 363, 45 ग 6 (8) प्रमाणे गुन्हा दाखल करण्यात आला आहे. आरोपींना अटक केल्यानंतर आज त्यांना जळगाव जिल्हा न्यायालयात हजर केले जाणार आहे. या प्रकरणी अधिक तपास उपविभागीय पोलिस अधिकारी कैलास गावडे व पोलीस निरीक्षक के.के. पाटील यांच्या मार्गदर्शनाखाली सहाय्यक पोलिस निरीक्षक विष्णू आव्हाड हे करीत आहेत.
