जळगाव (प्रतिनिधी) उप प्रादेशिक परिवहन अधिकारी कार्यालय जळगाव यांच्या वतीने चोपडा येथील शासकीय विश्रामगृहामध्ये 9 ऑक्टोंबर रोजी मासिम कॅम्प घेण्यात आला होता. परंतू येथे नेमणुकीस असलेल्या मोटर वाहन निरीक्षक यांनी पक्या अनुज्ञप्ती अर्जदाराची वाहन टेस्ट घेतांना हेल्मेट घातलेले नसतांना वाहन टेस्ट घेतल्या. तसेच चार चाकी पक्क्या अनुज्ञप्ती अर्जदाराची टेस्ट न घेता उत्तीर्ण केले आहे. या प्रकरणाची चौकशी व्हावी, अशी मागणी धरणगाव राष्ट्रवादी विद्यार्थी काँग्रेस तालुका अध्यक्ष विजय पाटील यांनी मुख्यमंत्री उद्धव ठाकरे यांच्याकडे एका तक्रारी अर्जाद्वारे केली आहे.
उपमुख्यमंत्री अजित पवार यांच्याकडे केलेल्या तक्रारीत विजय पाटील यांनी म्हटले आहे की, चोपडा येथे ऑनलाईन पद्धतीने संगणक व टॅबवर घेण्यात येणाऱ्या शिकाऊ अनुज्ञप्ती अर्जदाराची परीक्षा घेण्यासाठी नेमणुकीत असलेले सहाय्यक मोटर वाहन निरीक्षक प्रत्यक्ष उपस्थित न राहता युटीएलच्या व्यक्तींना शिकाऊ अनुज्ञप्तीच्या परीक्षा कक्षामध्ये परीक्षा घेण्यासाठी बसवून शिकाऊ अनुज्ञप्ती अर्जदाराची परीक्षा युटीएलच्या व्यक्तींदौरे उत्तीर्ण केल्याचे कामकाज झालेले आहे. साहाय्यक मोटर वाहन निरीक्षक शिकाऊ अनुज्ञप्ती अर्जदाराची ऑनलाईन परीक्षा घेण्याच्या कक्षामध्ये हजर न राहता पक्की अनुज्ञप्ती अर्जदाराची टेस्ट घेण्यामध्ये व इतर कामामध्ये व्यस्थ होते. मासिक दौरा कॅम्प चोपडा येथे मोटार वाहन निरीक्षक व सहाय्यक मोटर वाहन निरीक्षक यांनी शासकीय वेळेमध्ये इतके कामे नियमानुसार करणे शक्य आहेत का? पक्क्या अनुज्ञप्ती अर्जदाराची टेस्ट घेणे , नोंदणी कामी येणाऱ्या वाहनांची तपासणी करणे सहाय्यक मोटर वाहन निरीक्षक यांनी शिकाऊ व पक्क्या अनुज्ञप्ती केलेल्या कामकाजाचे अहवाल मागवून चौकशी करण्यात यावी व चोपडा येथे मोटर ड्रायव्हिंग स्कुल शिक्के असलेल्या ड्रायव्हिंग स्कुल चे १४ व १५ नंबर तपासणी करण्यात यावी. तसेच यामध्ये जबाबदार असलेल्या मोटर वाहन निरीक्षक व साहाय्यक मोटर वाहन निरीक्षक यांची चौकशी करून कारवाई करण्यात यावी आणि वाहन न शिकवता फक्त शिकाऊ व पक्की अनुज्ञप्ती काढून देणाऱ्या ड्रायव्हिंग स्कुलचा (नमुना ११) रद्द करण्याची कारवाई करावी, अशी मागणी केली आहे. हा तक्रारी अर्ज मुख्यमंत्री उद्धवजी ठाकरे, उपमुख्यमंत्री अजितदादा पवार,परिवहन मंत्री अनिलजी परब, प्रादेशिक परिवहन अधिकारी धुळे यांच्यासह उप प्रादेशिक परिवहन अधिकारी जळगाव यांना पाठविण्यात आले आहे.
