जळगाव (प्रतिनिधी ) । बीएचआर गैरव्यवहारात एका आरोपीच्या जमीन अर्जास विरोध न करण्यासाठी १ कोटी २२ लाख रुपयांची खंडणी घेतल्याप्रकरणी अॅड. प्रवीण चव्हाण यांच्या विरोधात डेक्कन पोलिस ठाण्यात गुन्हा दाखल करण्यात आला आहे. हा गुन्हा तपासासाठीचाळीसगाव पोलिसांकडे सोपविण्यात आला असून या गुन्ह्याचा पुढील तपास स्थानिक गुन्हे शाखेचे पो.नि. किसनराव नजनपाटील यांच्याकडे देण्यात आला आहे.
याबाबत सूरज सुनील झंवर (वय ३२, रा. साई बंगला, सुहास कॉलनी जळगाव) डेक्कन पोलीस ठाण्यात फिर्याद दिली आहे त्यानुसार या प्रकरणी अॅड. प्रवीण पंडित चव्हाण ( रा. सुमंगल आपारमेंट मोदी बाग शिवाजीनगर ), शेखर मधुकर सोनाळकर (रा. नयनतारा अपारमेंट जळगाव ), उदय नानाभाऊ पवार (रा. चाळीसगाव जिल्हा जळगाव ) यांच्या विरोधात गुन्हा दाखल करण्यात आला आहे. बीएचआर मल्टीस्टेट को ऑप सोसायटी गैरव्यवहार प्रकरणात सुनील झंवर यांना जमीन मिळण्यासाठी सहकार्य करण्याचे आश्वासन तसेच झंवर पिता पुत्रांना मोक्काच्या गुन्ह्यात अडकविण्याची भीती घालून दोन कोटी रुपयांची खंडणी मागितल्या प्रकरणी पुणे येथून चाळीसगाव शहर स्टेशनला वर्ग करण्यात आला आहे. चाळीसगाव शहर पोलीस स्टेशनला भाग ५ गु.र. न. २५/२३, भा.द.वि. ३८४, ३८५, ३८८, ३८६, १६६, २१३, ५०६, १२० (ब), ३४ या कलमानुसार दाखल गुन्ह्याचा पुढील तपास स्थानिक गुन्हे शाखेचे पो.नि. किसनराव नजनपाटील करणार आहेत.
