जळगाव (प्रतिनिधी) महापालिकेच्या स्थायी समितीचे नव्याने आठ सदस्यांची बिनविरोध निवड झाली आहे. त्यात भाजपतर्फे ललीत कोल्हे, सरीता नेरकर, किशोर बाविस्कर, ज्योती चव्हाण, उज्ज्वला बेंडाळे, अमित काळे व कुलभूषण पाटील तर शिवसेनेतर्फे प्रशांत नाईक यांचा समावेश आहे. महापौर भारती सोनवणे यांनी बुधवारी झालेल्या विशेष सर्वसाधारण सभेत ही निवड जाहीर केली.
महापालिकेतील स्थायी समितीच्या आठ जागांची निवड जाहीर करण्यात आली असून यात भाजपचे सात तर शिवसेनेच्या एका सदस्याचा समावेश आहे. त्यात भाजपतर्फे ललीत कोल्हे, सरीता नेरकर, किशोर बाविस्कर, ज्योती चव्हाण, उज्ज्वला बेंडाळे, अमित काळे व कुलभूषण पाटील तर शिवसेनेतर्फे प्रशांत नाईक यांची स्थायी समिती सदस्य म्हणून याप्रसंगी निवड झाल्याचे महापौरांनी जाहीर केले. १६ सदस्यांची संख्या असलेल्या स्थायी समितीतील भाजपाच्या विद्यमान सभापती शुचिता हाडा यांच्यासह सात तर शिवसेनेचे असे एकूण आठ सदस्य स्थायी समितीमधून ३१ सप्टेंबर रोजी निवृत्त होत आहेत. या रिक्त होणार्या आठ जागांवर पुढील एक वर्षाच्या कालावधीसाठी नव्याने सदस्य निवडीकरिता बुधवारी सकाळी ११ वाजता महापालिकेची विशेष सर्वसाधारण सभा महापौरांनी बोलविली होती. यावेळी भाजपाच्या निवृत्त होणार्या सात अॅड. शुचिता हाडा, दिलीप पोकळे, प्रवीण कोल्हे, सुनील खडके, चेतन संकत, भगत बालाणी व सदाशिव ढेकळे तर शिवसेनेचे विष्णू भंगाळे यांच्या जागी या नव्या सदस्यांची बिनविरोध निवड करण्यात आली.
